الله يسامح يوم في حقي أخطيت
والا أنا ما أسامح الدهر كله
ما أسامحك يوم أنت عني تخليت
عذبتني يا زين من دون زله
خلني بزيدك من الشعر بيت
حلفت ما أنسى لين دمعك تهله
تقول سامحني وأنا أقول يا ليت
مع السلامه روح ما ارضى المذله
غلطة زماني يوم طعتك و حبيت
صارت حياتي دون شوفك ممله
اخلصت لك عهدي و شوقي و داريت
صدقت قلبي فيك الله يشله
انسيتني و الا انت يعني تناسيت
معقول يرجع كل شي بمحله!!
خذ ذكرياتك بس من الحب مليت
الحفظ لك واللي تغليه غله
اوعديني .. يا وجه القمر ..
ان وجهك ما ينطفي .. ليله ..
أوعديني .. يا عطر الزهر ..
ان عطرك ما يختفي .. ليله ..
المحبّه .. يا عذب المطر ..
من عذبك ما تكتفي .. ليله ..
عندها ..
كل بسمات الأمل .. تصافحك ..
و عندها ..
كل نظرات الفرح .. تصارحك ..
و عندها ..
عيني بعينك ..
نذكر مواعيد الهوى ..
وقلبي بقلبك ..
نحيا على الفرحه سوا ..
و اكيد اسامحك
