والله يا بنت الايه
انا مش عارف ليه
كل ما احاول اقرر
ابعد عن ميادينك
وافتح للاحلام دكاكاين
القي مزاجي اتعكر
كل ما اقول اتحرر
القي العقل يسكر
يفتح قلبي معسكر
والله يا بنت الايه
كل ما احاول انسي
واهرب منك خلسه
بيرفرف في ضلوعي
تسبح في دموعي
ارجع احبك اكتر
بيبقي قلبي شوارع
والله يا بنت الايه
العشاق طوابير
والتحرير متزوق
ونا واقف متوضي
للصلوات الخمس
والتكبير علي الكوبري
انا مش ناسي امبارح
وخدايع وخساير
لعب الكفره بدينك
فاكرين انه يدينك
تحت العوزه تنحني
تبقي الشمس يمينك
يبقي النجم في دارك
والله يابنت الايه
انا واقف متوضي
مستنظر اخبارك
الله يعين الفقرا
علي اللقمه المحشوره
في الميدان والشرفه
بالنور علي عمدانها
بكره ملان زغاريد
بكره معاد الزفه
والدم اللي اتصفي
ع الرصفات واتسرسب
يكتب اسم شهيد
والله يا بنت الايه
رغم الناس الخايفه
والساكنين احزانهم
قلبي انا حاسس
انك ** حاسه وشايفه وعارفه
ان اوانك ان
حره في كل مكان
طاهره وتوبك زاهي
راجعه بقلب جديد
صافي ودافي اكيد
وانتي عمرك تاني
متغيري مواعيد
تبقي الشمس يمينك
ويبقي النجم في دارك
88