رواية شفت كلمة أحبك تراني قدرت أفسرها

في واحد من الاحياء الضيقة الفقيره في بيت قديم و مكسر مكون من غرفه و حمام و مطبخ صغير جدا
ايان ببكا يقطع القلب : ماما تككفين قومي قومي الله يخليكك ما اتحمل الدنيا بدونك الله يخليك
الام : ............. لا رد
لبست ايان عبايتها و خرجت تركض في الشوارع عساها تلاقي مين يساعدها
ايان وهي تبكي : الله يخليكم احد يساعدني الله يخليكم انا ما اسوا بدونها
في جهه تانيه في قصصصر ضخم في احد الاحياء الراقيه بجدة


امير : طففففففففففففففففش

وسام بتفكير : عندي فكره تفكنا من طفشنا
امير بملل : ايش تكلم يا ابو الافكار
وسام : خلينا نروح هالشوارع اللي فيها ناس فقاره و نتأمل فيهم خخخخخخخخخخ
امير و دخلت الفكره مزاجه : تمام و قسم بس ( و كمل بقرف ) بس تدل هالاماكن
وسام : أي اكيد انا ولد عيسى ال ............ مو حي االله اعرف كل شبر في السعوديه
أمير : طيب يلا بقوم البس و اجيك
دخل امير غرفتو و الخدم حولو من كل جهه كان يجلس على الكرسي و يأشر على اللي يبيه و يجيه لحدو
أشر على قميص احمر و جاكيت خفيف ابيض اطارفو حمرا و جينز ازرق غامق ضيق و كاويتش ابيض حبالو حمرا ترك شعرو براحتو و نزل
ركبو امير ووسام السياره الفارهه و مشيو في الطريق
في مكان تاني عند ايان
كانت تمشي في السكه و تدور أي احد يساعدها امها بتروح من بين يدها
و فجاة شافت انوار سيارة متجهه نحوها من الخوف صلبت اطرافها
في السياره
أمير : وسام انتبه انتبه
وسام بخوف وهو يحاول يوقف السياره بالقوه قدر يوقفها و خلاها تصدم في الجدار اما ايان فكانت مغمى عليها من الخوف
خرجو امير ووسام من السياره
و شافو البنت طايحه على الارض الطرحه طاحت من على وهها و خصل شعرها البني الفاتح طايحه على وجهها و عيونها الذبلانه كلها دموع
شالها امير و دخلها السياره و الى المستشفى
:::::::::::::::::::::::::::::::::::::::::::::::::: :::::::::::::::::::::::::
قبل ما اكمل احب اعرفكم بالشخصيات
اول حاجه في المناطق الفقيره و البيوت القديمه و الحياة الصعبة
بطلتنا أيان
أيان من عائلة جدا جدا جدا فقيره و على قدها مات ابوها بسبب رصاصه جات في قلبو و امها مريضه جدا و حالتها حرجه تشتغل مربية اطفال عشان تقدر تعيش و تعيش امها
أيان بنت مره حلوه عمرها 20 سنه شعرها ناعم بني فاتح طويل الين نهاية فخذها تقريبا عيونها عسليه فاتحه وواسعه و رموشها كثير شفايفها صغيرة بس مليانه شويا وورديه بشرتها بيضا و خدودها تحححمر لمن تنحرج قصيرة شويا و نحيفه وجهها بيبي فيس نعومه مره رغم الظروف اللي قاستها من يوم ما مات ابوها قبل 15 سنه تكره المغرورين و صح تسامح بس تحقد كثير اللي يشوفها يقول مغرورة و اللي يكرها تكرهو ولو بدون سبب

اما في المناطق الغنيه و القصور الكبيرة و الحياة الفارهه
امير شاب وسيم بمعنى الكلمه عيونو سودا واسعه و رموشو طويله طويل و جسمو رياضي بشرتو حنطيه خشمو واقف و شعرو اسود مجعد ناعم طويل شويا آمير رغم حياتو الفارهه و السيارات الفخمة و القصور الا انو كان يتألم من داخلو بسبب زوجة ابوه اللي عذبتو و ابوه اللي عافه هو و اخوانه عمرو 24 سنه

وسام شاب وسيم و حلو بس مو احلى من امير عيونو متوسطه و بنيه شعرو بني ناعم طايح على وجهو و ابيض و جسمو رياضي كانت حياتو حلوة لان عائلتو مترابطه مو مفرقه زي عائلة امير عمرو 23 سنه

الجد الكبير اللي يصير جد وسام و امير
اسمو كمال
كمال كان انسان طيب و حنون بس شديد مره وقت الجد جد ووقت المزح مزح يحب الجمعات العائلية و يحب تكون عائلتو مترابطه عندو شركات كبيرة و منتشرة في المملكه بشكل كبير هم عائلة معروفه جدا
عندو البنت الكبيره
امل متزوجه عيسى
عندها توأم بنتين وداد و ود
كانو مره مره يشبهو بعض و كانو قريبين من بعض حيل رغم ايامهم اللي يقضوها في الهواش شعرهم اسود كيرلي و عيونهم واسعه سودا اجسامهم متناسقه و حلوه شفايفهم مليانه و بشرتهم بيضا ود كانت عربجيه دايما مع الاولاد و تصرفاتها دفشة و بس مرحه و صحبتها حلوه و اللي ما يعرفها يقول ناعمه مره و مغرورة
اما وداد كانت قمة النعومه و الحيويه كان الحيا لاعب فيها لعب من أي شي تستحي و تحمر خدودها ناعمه و دافورة و بطبعها مرحه و حبوبة و الكل يحبها و تحب المساعده عمرها 20
و عندها وسام اللي اتكلمت عنو من شويا و اخو الصغير ابراهيم
عمرو 6 سنين حلو طالع لاخوه شعرو ناعم بس اسود و بشرتو بيضا
و الاخت الثانيه ايمان و زوجها فالح بس للأسف مو فالح كان مدمن مخدرات دايما يشرب و يجيب معاه حريم للبيت بس كانت ايمان تسكت عشان سمعة العائلة و عشان تهديد فالح لها انو بيقتلها و يرمي عيالها في البحر
كان عندها اشجان و شجن و شجون
اشجان الكبيره كانت مره تحب امها و تساعدها دايما اشترت لامها سرير عشان تنام معاها بغرفتها بسبب ابوها كانت ناعمه بس مو مره حلوه بيضا عيونها صغيره و شفايفها صغيره شعرها بني يميل للأشقر و فيه خصل فوشي الين كتوفها و ناعم جسمها حلو و متناسق عمرها 21 سنه
شجن اصغر من اشجان بسنتين يعني عمرها 19 سنه صح تساعد امها و تحبها بس تكره ابوها كره الموت و نفسها تقتلو و كرهت كل الرجال بسبب ابوها هي حلوه احلى من اشجان شعرها طويل الين نص ظهرها اسود مجعد و عيونها واسعه و سودا و رموشها كتير مو نحيفه و لا دبه يعني رويانه تعشق اللون الاسود اللي كان دايما يعتريها من راسها لرجليها غريبه و ما احد يفهمها ابد هادئة جدا و ما تحب الرجه اللي يشوفها يحس انها هادئة رغم الازعاج المتضارب جوا قلبها
شجون اصغر وحدها عمرها 17 سنه ضاع اغلى ما عندها بسبب ابوها اللي اغتصبها قبل سنتين بس ما احد يدري بالموضوع الا هي و ابوها كانت قريبه من شجن مره و تقولها كل شي الا هالشي ما قدرت تقولو كانت حلوه بس مو مره فمها صغير و عندها نغزة في خدها خشمها واقف و عيونها صغيره شعرها بني و فيه خصلة ذهبيه من ربي جاتها جسمها حلو و مرتب بس هي و للأسف ( بويه ) بسبب فعلة ابوها

الاخو الثالث باسم
كان انسان مره حبوب و طيب و الدنيا كلها عندو تتمحور حول ( منار ) كان مره يحبها لانها الذكرى الوحيده لزوجتو اللي ماتت و هي تولدها و رفض يتزوج بعدها
منار بنت مره مره مره طيبه مع الكل و الكل يحبها عيونها واسعه و رماديه رموشها كتير فمها توسط شفايفها مليانه خشمها واقف و شعرها لنهايه ظهرها ناعم اسود و صابغه فيه خصل رمادي جسمها حلو و ممشوق صدرها كبير شويا و هذا الشي معقدها مره بيضا و ناعمه مره تحب تقعد لحالها دايما رغم انها اجتماعيه مع الكل عشقها الالكترونيات لاب ايباد ايبود بيبي و غيرها مدمنه الكترونيات تحب تكتب و تألف اشعار و خواطر دايما تطلع الاولى على المدرسه لانها مره شاطره عمرها 19 سنة

الاخو الرابع اللي هو بسام متزوج فاطمه
كان عندو 4 اولاد و بنتين
ولدين توأم عزام و عازم حلوين و مملوحين و شعرهم بني فاتح طويل شويا و ناعم عيونهم واسعه و لونها بني غامق شويا اجسامهم رياضيه عمرهم 24 سنه شخصياتهم حلوه و يحبو يساعدو كتير و عندهم اعمال تطوعيه و تبرعات كتير يعني اولاد يفتخر فيهم
و عندو طلال عمرو 21 سنه طيب و حنون بس مغرور شويا ما يعترف بالحب ابد كل همو وناستو و هبالو و بس طول الوقت يرقم دي و يلعب على دي و يسوي انه يحب دي مملوح هو شعره اسود ناعم و عيونه واسعه بنيه جسمو معضل و طويل
و عندو ظلال اختو اصغر منو بسنه عمرها 20 اسم على مسما دايما مخيمه في ظلال الحزن ما تحب احد و ابدا مو اجتماعيه متعقده من الناس كلهم و من الرجال بشكل عام ( بعدين نعرف ليه )هي مره ناعمه و حلوه جسمها حلو و متناسق بس قصيره و ما عندها ملامح انوثه خخخخخ شعرها طويل الين نص فخذها و لونو اسود عيونها سودا بس واسعه مره و رموشها كتير شفايفها صغيره و خشمها صغير اللي يشوفها يقول بيبي ما كانو عمرها 20
و عندو غصون كانت حلوه و اجتماعيه و محبوبه و شاطره عمرها 19 ينضرب فيها المثل بالبنت المثاليه شعرها الين كتفها لونو اسود و فيه خصل حمرا و رمادي شياكه و جسمها حلو فيه ملامح الانوثه صدر ووسط مرسوم رسم كانت تحب الرسم بشكل مو طبيعي و ابوها بنالها دور كامل كلو مرسم لها و جايب لها انواع اللوحات و انواع الالون و المراسم و فرش التلوين و الدهانات هي اللي صبغت غرفتها الخماسية الغريبه بنفسها اللي كانت عباره عن جدار اسود و جدار احمر و جدار اسود و جدار مخطط باحمر و اسود و رمادي و جدار لونت خلفيتو رمادي و راسمه عليه بنت تطالع من شباك و شعرها طويل يطيرو الهوا بالاسود و بالاحمر راسمها حولينها دوائر بشكل عشوائي كانت تحب ترسم و تأثث و تصمم
الولد الاخير ماجد عمرو 15 سنه مملوح اسمر و شعرو ناعم اسود و عيونو بني غامق جسمو حلو مو نحيف ولا دبه
و اخيرا الولد الاخير عمر كان متزوج وحده و كان يحبها جاب منها أمير و بدر و فرح بس ماتت بسبب حادث سياره قبل سنين كثيره و الكل نسي الموضوع بس ما نسي طيبتها و حنيتها مع الكل و تزوج جوهره اللي كان يحبها و هي ما تحبو و لا تحب عيالو و بس تعذبهم من صغرهم تزوجتو عشان فلوسو مغروره مره و شايفه نفسها جاب منها غرام و دلع
اول شي بدر كان مره طيب و حنون على اخوانو يحبهم حيل ملامحو حلوه و ناعمه جسمو معضل و قوي يشتغل مع جدو في الشركه عمرو 25 سنه
و أمير اللي تكلمنا عنو
و فرح كانت دلوعة بدر طلباتها اوامر كانت تعتبرو اخوها و ابوها و الظل اللي تحتمي له حلوه بس مو مره جسمها حلو و شعرها كيرلي طويل الين نهايه ظهرها بني غامق و عيونها عسليه متوسطه الحجم و شفايفها صغيره عمرها 20 سنه
من زوجتو الثانيه غرام و دلع
دلع عمرها 19 عاديه جسمها حلو ملامحها ناعمه بس عاديه شعرها مكدش دايما و دايما ينادوها كدوشة
غرام عمرها 18 انسانه مغرورة جدا لأبعد الحدود شايفه نفسها و تكره فرح كره مو طبيعي و دايما تعذبها هي مو حلوه يعني عيونها متوسطه الحجم و بيضا و دبدوبه شويا شفايفها صغيرا و خشمها واقف شعرها طويل و مجعد لونو بني

في ابطال راح تتعرفو عليهم خلال الروايه ان شاءالله



~ البارت الاول ~
( في المستشفى )
وسام و امير بحكم طبقتهم الراقيه اخذوها لمستشفى خاص و كبير يكشفو عليها
وسام : ها يا دكتور شصار عليها ايش فيها ؟
الدكتور : والله يا استاذ وسام هي مافيها شي مجرد اغماء من الخوف و فيها فقر دم حاد و لازم تتعذى الواضح انها ما تاكل عدل ولا تعذي جسمها و مهمله بصحتها و تجهد نفسها كثير
أمير في نفسو ( معقوله في ناس كدا لدي الدرجه فقيره )
وسام : طيب متى تصحى يا دكتور
الدكتور : على حسب قوتها
فتحت ايان عيونها ببطء شافت ولدين حلوين كأنهم ملائكه يتأملوها
و هي حسبت انها ماتت
صارت تقول : اشهد ان لا اله الا الله و ان محمدا رسول الله
و تكررها و صوتها يعلى
بس استغربت ايان انها ما زالت تتنفس فتحت عيونها بقوا لقت واحد فاقع من الضحك و الثاني وجهه قريب من وجهها مستغرب يعني وجهه كدا >> 
قامت ايان بقوا لدرجه صقعت في أمير اللي كان يطالعها باستغراب
أيان بخوف و هي تغطي نفسها بالشرشف الابيض حق المستشفى : مين انتو و انا ليه هنا
أمير أبتسم بخبث و قال: اهلين يا حلوه ايش فيك انتي فاقده الذاكرة انتي بنفسك ركبتي سيارتي و قلتي ودوني المستشفى
أيان بملامح طفوليه خق عليها أمير : أنا ؟؟؟؟؟؟؟؟؟؟؟؟؟؟؟؟؟؟؟
أمير بضحكه باين انه كذاب : ايوا انتي ( و بتفكير ) حتى قلتيلي اسمك ايش ي ربي نسيت ما كنت مركز
أيان ببراءة : سمر
أمير : ايوا صح سمر تذكرت
وسام مستغرب من الحال اللي صاير و الكذب و الخراط اللي صاير شايف ارانب بيضا كثير في الغرفه
أيان فقعت ضحك و صار شعرهها يطير على وجهها : هههههههههههههههههههههههههههههههههههههههههههههههههه هههههههههههههههههههههههههه
أمير : سلامات سمر عسى ما شر
أيان : كشفتك يالكذاب هههههههههههههههههههههههههه
أمير و علامات تعجب فوق راسه
آيان : اسمي ايان مو سمر ههههههههههههههههههههههههههههههههههه
وسام وقتها فقع ضحك على شكل امير الاهبل : هههههههههههههههههههههههههههههههههههههههههههههههههه هههههههه
أمير عصب مره منهم و فجأة
أيان : امي امي لا لا لازم ارججع البيت تكفون رجعوني من مكان ما لقيتوني امي راحت مني امي امي و صارت تبكي بهستريه
انهو وسام و امير الاجراءات و طلعو وودها بيتها و انتظرو برا في السياره شويا خرجت أيان من بيتها محطمه و مكسورة الحضن الدافي الوحيد لها راح منها كيف بتعيش بعد كدا كيف و صارت تمشي بدون هدف و دمعتها ما تفارق خدها و بيدها عروسة خطيتها لها امها من قماش و هي صغيره شويا طاحت على الارض و صارت تبكي بهستريه و تحضن عروستها ( دميتها ) و تقول بصوت يقطع القلب : امي ليه تركتيني حرام عليك انا كيف اعيش بدونك اقعد وحيده في هالعالم مين بيطمني و يحضني مين بيلمني ي حضنه مين و مين و مين يا امي تكفين ارجعليلي كيف تبيني اقعد بروحي امي تكفين تكفين ارجعيلي
وسام و امير كانو يطالعوها بحزن و دمعة رجال سقطت من عين أمير على هالمنظر الحزين راح لها وسام و بكل حنيه و رقة أيان تعالي معانا البيت فترة بسيطه الين ما تتحسن امورك
أيان وقفت بكل شموخ : انا راح ابني حياتي بنفسي مو بحاجه لاحد << لانها اتوقعت انو شفقه منهم على حالها
أمير : تعالي معانا يا أيان راح نخليك تختاري المكان اللي تبيه بنفسك و نعيشك احلى عيشة بس ما تقعدي لحالك
أيان بابتسامه لاحظوها من بين دموعها : اقدر ادبر حالي
و مشت بكل هدوء و رقة و شويا
اتهدمت البنيان و طاحت ايان على الارض مكسورة و محطمه ووحيده
أمير ووسام بخوف مجنون بسرعه شالوها وودها على مستشفى قريب من بيتهم
أمير : ها يا دكتور طمني عنها
الدكتور : هي ان شاءالله بخير بس فقر الدم اللي عندها حاد لازم تاكل و تتغذا ما ينفع كدا لا تهملوها
امير : طيب متى اقدر اطلعها
الدكتور: بنومها عندنا 24 ساعه و بعدها نطلعها عشان نتطمن على صحتها يعني
امير : مشكور و ما قصرت
خرج امير من غرفة ايان و اتصل على جدو و قالو الحكايه
كمال : هذا العشم فيك يا أمير جيبوها لو غصب ما نقدر نتركها و بكلم العائلة تجتمع و بكلم الشغالات يجهزو لها جناح
أمير بحزن : بس هي مو راضيه تقول راح تبني حياتها بنفسها
كمال : لازم تجيبها ايش بيقولو الناس لقينا بنت و تركناها مو حلوه بحقنا يا ولدي جيبها عندنا
أمير : أن شاءالله فمآن الكريم
كمال : فمأن الله
شويا كدا صحيت ايان طالعت للبياض اللي حولها عرفت المكان بس استغربت من فخامتو و كبرو قامت شويا اندق الباب اخذت طرحتها و حطتها على راسها : ادخل
أمير ووسام و الدكتور دخلو
الدكتور : يا انسه ايان لازم تهتمي بصحتك ما ينفع تهمليها كدا
أمير : احنا راح نهتم فيها لا تشيل هم
وسام : بنحطها في عيوننا
الدكتور بشك : صح انتو ايش تقربو لها
أمير و وسام ارتبكو ما تعودو يكذبو
أمير : انا زوجها
وسام : انا اخوها
أيان وجهها صار احمر طماطم من كلمة زوجها و قالت بصوت مبحوح : دكتور متى اقدر اطلع ؟
الدكتور : راح تتنومي عندنا 24 ساعه
أيان : ما ينفع اخرج دحين ؟
الدكتور طالع في أمير و رجع طالع لها و قال : على مسؤولية زوجك
أمير انحرج و قال : طلعها راح نهتم فيها في البيت
أيان للأن وجهها طماطم من الاحراج طلع وسام يخلص الاجراءات
أمير : أيان راح تجي معانا البيت جهزنالك جناح في بيت جدي بما انو ساكن لحالو و معاه عمتي الصغيره بس هي مسافره راح تجي بعد اسسبوعين
أيان بتردد : لا انا ما اقدر اسكن في بيت احد غريب مو حلوه بحقي والله
أمير بعصبيه مصطنعه : لو سمحتي بدون نقاش و بكره من العصر برسل لك اختي فرح و روحي معاها للسوق عشان تشتريلك أي شي تحتاجيه
أيان بتعب : ان شاءالله
خرجت ايان و توجهو للقصر انصدمت ايان بحجم البيت ما اتوقعت انو ممكن يكون في احد بيتو بهالحجم
دخلت ايان و لمن شافها الكل بعد ما حكاهم الجد كل الحكايه استقبلوها احسن استقبال بس استحت من نفسها كلهم ملابسهم انيقة و حلوه و هي مجرد جينز غامق و بلوزة حمرا كمها طويل قررت ما تفصخ عبايتها ابد
دخلت و سلمت على الكل
طبعا البنات متحجبين عشان الاولاد و الامهات عادي كاشفين
أمير : بنات و شباب و حريم و رجال
طالع جده اللي رافع حاجب و قال : و عجايز بعد خخخخخخخخخخخخخخ
الا كل المجلس فطسو ضحك حتى الجد
كمل أمير : هادي أيان اعتبروها اختكم الصغيره
بحكم جسمها الصغير كان يتوقعها طفله
أيان باستغرب : الصغيره !!!!!!
أمير طالعها باستغراب : ليه كم عمرك ؟
أيان : 20
الكل تعجب ووجهو نظراتهم لظلال
ود بهباله : خخخخخخخخخخخخخخخخ نفس الحاله هع
الكل ضحك على تعليقهم اما أيان انحرجت و صار وجهها طماطم و ظلال طالعتهم بعدم اهتمام
أيان طالعت في ظلال و هي مستغربه يا ربي ليه كدا
و بعدين وجهت نظرها ل شججون مستغربة من شكلها حسبتها ولد اول ما دخلت بس لا فيها ملامح انثوية بنت يعني بس ليش كدا
وبدا التعارف بينهم البنات مره حبوها الا غرام كانت حاقده عليها ما تدري ليه
حنان : يلا بناتي روحو الصالون الثاني و خلو الكبار هنا
قامو البنات و دخلو الصالون التاني
وداد مسكت يد أيان و أخذتها معاها لغرفة وداد بحكم انو كل واحد عندو غرفة في بيت جدو
أيان : أيش فيه وداد
ودادا بنعومه : بطلع لك شي تلبسيه
أيان بأبتسامه : اوك
فتحت وداد ملابسها و كان صعب انها تلاقي شي بمقاس ايان بحكم جسمها الصغير
طلعت وداد فستان ناعم فوق الركبه لونو فوشي فيه حزام نحيف تحت الصدر لونو تفاحي و لبست جزمة زحف تفاحي وفيها فيونكا فوشي فكرت وداد ايش تسوي بشعر أيان بما انو مره مره مره طويل ماشاءالله
لمت شعرها ذيل حصان و حط فيونكا فوشي عليها حزام تفاحي و حطت لها غلوس وردي طلع شكلها مره نايس و نعومه
نزلو تحت عند البنات الكل يطالع في أيان بإعجاب الا غرام تطالعها بكل قهر و غيرة قامت غرام بما انها ما عرفت ايان عن نفسها و قالت بكل غرور و هي تمد يدها
غرام : اهلين أيان انا غرام
أيان بأبتسامه صافحتها : انا أيان
غرام : أي الكل عرف لمتى بتعيدي و تزيدي عاجبك اسمك مثلا
أيان استغربت من ردة فعلها و نزلت دمعة يتيمه على خدها و نزلت راسها
فرح حبت تضيع الموضوع : أي أيان تعالي قوليلي بكره بنروح السوق مين تبي يجي معانا
أيان بفرح : وناسسهه كلهم ( و بحقد ) الا ذي
و هي تأشر على غرام
غرام طالعتها بصدمه : عاد انا اللي ميته على طلعتكم
و خرجت من الغرفه على الحمامات و قعدت تبكي
عند الرجال
بسام : اقول بدر خذ الشباب و اطلعو لصالون الرجال او الحوش برا الجو حلو اليوم
بدر بضحكه : طردة يعني و آمرنا لله حركو شباب
ضحكو الحريم و الرجال على كلام بدر
بعد ما خرجو الشباب رجعت الجديه تغطي ملامح كل من في المجلس
كمال : اسمعوني أيان ابيكم تحطوها في عيونكم ما ابي ينقص عنها شي و بكره كل البنات ابيهم يروحو معاها السوق و تقضي اللي تبيه
الحريم بكل اقتناع و بأصوات متفاوته : ان شاءالله
ألا وحده كانت تغلي من جوا و مقهوره و في بالها انا ما يحبوني و بنت الشوارع دي حبوها على طول << اتوقع عرفتوها خخخخخخ
و الرجال نفس الشي
في جهه ثانيه في بلد بعيد
أمريكا
لللأسف ما عرفتكم على البنت الصغيره للعائلة ميرال عمرها 26 سنه تدرس برا المملكه طب هي جدا جميلة جسمها حلو زي اجسام عارضات الازياء ملامحها ناعمه و هاديه عيونها واسعه رماديه شعرها اشقر و طويل الين نهاية ظهرها اللي يشوفها يقول امريكيه ما تزوجت للأن شخصيتها شديدة شويا بس حنونة و طيبه الكل يحبها و باقي على رجعتها أسبوعين
: ميرال الله يخليك افهميني انا احبك تكفين
ميرال : اسمعني يا نواف قلتلك انا بنت متربيه و ما اسمح لأي أحد يخرب تربيتي لو انك مره تحبني تقدر تجيب اهلك بيتي لكن الحب الحرام و الغلط انا ما ارضاه
نواف : ميرال انتي تعرفيني انا مو صاحب بيت و عيال و مسوليه يعني امل
ميرال : قلتها بعظمة لسانك كلها كم يوم و تمل مني انا اسفه و عن اذنك
نواف بحزن و بهمس : أحبك ميرال
ميرال بهمس : انا اسفه يا نواف بس تربيتي ما تسمح لي حتى لو اني انا بعد أحبك
و نزلت دمعه يتيمه على خدها
( نواف سعودي من جده برضوا من عائلة غنية بس مو قد عائلة كمال مملوح اسمر و معضل فمو صغير و شفايفو صغيره يلبس نظاره كبيره مخليه شكل عيونو خقه كل بنات الجامعه خاقين عليه الا ميرال مو معطيتو وجه و هو يحبها موت )
مشا كل واحد منهم في طريق
راح نواف وهو في قمة الحزن يعشقها و يحبها بس هو لعاب و ما عندو مسؤوليه و ما يبيها تضيع بسببو
نواف : بندر قولي شسوي انا احبها والله احبها
بندر بحزن على حال صاحبو : نواف استهذي بالله ايش صار مين هي ؟
نواف قالو الحكايه كلها
بندر : يا نواف و هي صادقه ما يصير تلعب ببنات الناس
نواف بحزن : طيب شور لي شسوي
بندر : تزوجها
نواف : بس بندر انا مو راعي زواج و ارتباط و مسؤوليه و انت عارف هالشي
بندر سكت و نواف كمل حياتو في دائرة الحزن لبعد ميرال عنو و كرهها لو << هذا اللي كان متوقعو انها تكرهو
اما في وطننا الحبيب
وسام : أيان شرايك تجي معايا نشتريلك جوال
أيان بتفكير : اممممم و ليش لا بس مين يجي معانا
وسام : اختاري وحده من البنات
أيان و هي تفكر الكل كان متأمل انو ايان تختارو لانها فرد جديد في العائلة و بيتعرفو عليها اكثر
بس الصدمه انو ايان اختارت ......................................
انتهى البارت الاول
أبي توقعاتكم
مين اختارت أيان ؟؟
كيف حتكون حياة أيان مع العائلة الجديده ؟؟ و هل ستجد بديل لأمها ؟؟
نواف و ميرال هل راح يرتبطو في النهايه ؟؟
ايش نهاية حقد أيان لغرام ؟؟
أيش سر لطف وسام المفاجئ لأيان ؟؟
هل ممكن يكون حب من أول نظره ؟؟ او مجرد شفقه ؟؟
و الاهم أيش رأيكم في البارت ؟؟

رواية شفت كلمة أحبك تراني قدرت أفسرها بقلم ديونا

منقول

روايه روعه