قالت :-
حبيبي علامك ما تنزل الغتره
مو عادتك
لا جيت تتركها على رراسك
عندي خبر بيطيرك ويفرحك مرره
وراح تنبسط فيه
واكيد بترمي شماغك
قال:- اتركيني
ترى نفسيتي قشره
قالت:- افأ
قلي وش متعب(ن) حالك !
قام وتركها
وهي محتاره وش امره .. *
ثم راحت لعنده
وقالت:- وش الي شاغل بالك !
انا وعدتك
ابقى معك عالحلوه والمرره
واني اشيل هموم قلبك
لجل يرتاح راسك
قلي علامك
قلبي من الخوف دق الفين مرره
دخيلك لا تخوفه اكثر تراه يموت على شانك
ثم ناظر بعيونها
الي ملاها الدمع من اجله
وقام وحضنها
وبكى وقال لا ينشغل بالك
فيه سالفه
ما قلتها لك من قبل زواجنا بفتره
قالت:- سبع سنين
متزوجين وش مخبي براسك
خوفتني قلي وش السالفه
صار القلب جمره
قال:- تتوقعين ليش تزوجتك
ما قد جا السؤال على بالك ؟
قالت:- لانك وعتني انك تبقى
معي العمر كله
ولانك حبيتني وحبيتك
اش فيك حبيبي علامك
قال:- اعذريني يالغلا ...
انا ما حبيتك ولا مره
سبع سنين كنت اتصنع حبي لك
واملي قلبك وراسك
انا حبيتها هي واختلفنا
واتزوجتك لجل قلبها احره
واليوم قابلتها صدفه عند بيت جيرانك
بكت من شوقها لي
وقالت:- وين هالغيبه ؟
وقلتلها :- انا تزوجت
بس ما دق قلبي الى عشانك
ثم سكتته وقالت :-
اسكت مابي اسمعك بالمره
ودموعها سيول تذرف
روح لها ليش جالس
روح للي اشغلت بالك
قال:- سامحيني
مو قصدي قلبك اضره
قالت :- اتركني
بعد كل هذا تبيني اسامحك
روح الله ياخذك وياخذها ورتاح من هالعبره
بس لحظه ... اسمع هالخبر
الي بيطير شماغك ...
اللي تعبنا عشانه من سنين
وتمنيناه من مده
اهو بجوفي الحين
وماراح تشوفه ولا يخطر ببالك !