السلام عليكم يا فتوكات
انا بحب الزرع اوى فوق ما تتخيلوا وبحس انه بيغير فى نفسيتى جدا
علشان كده جبتلكوا طريقه حلوه اوى وسريعه اسرع من البذور نبدأ بسم الله
الادوات
فرع ريحان ورق عادى جدا بالساق طول حوالى 10 سم كده مقصوص بالمقص من تحت او اى زرع بس يكون الساق قوى
سكينه حاده
كوب ماء
هواء وشمس
الطريقه
هنجيب فرع الريحان نشيل كل اوراقه ما عادا الورق اللى فوق ونقصه من تحت بالمقص ونشقه من تحت سم ونص كده بالسكين
كده هو جاهز هنحطه فى كوبايه مايه فى هواء وشمس ونغير الميه كل يوم بعد يومين هنلاقى جزور طلعت من تحت هنسبيها لحد ما تطول شويه
بعد ما تطول هنجيب الاصيص ونملى نصه بالتربه ونحط الفرع بس يكون جذوره اللى كبرناها افقيه وبعد كده نحط باقى التربه لحد ما نملى الاصيص ونسقيه كاى زرع محترم تانى صعبه
الفكره مجربه ونجحت جدا
وممكن اى نوع زرع اخر
وافضل كتير من البذور لان البذور بتطلع فروع وكل حاجه بس بتكون ضعيفه وبتحتاج عنايه ووقت كتيييييييير
